Ég fór í vinnu í gær en varð að fara fyrr heim því ég var ekki búin að ná mér almennilega. Var því heima í dag líka og er orðin ansi leið á þessu hangsi.
Úti er stormur og snjór fýkur um allt. Mann myndi ekki langa neitt sérlega mikið út í þetta veður en ég er bara orðin svo leið á að hangsa heima. Sjónvarpið er leiðinlegt, og ég vil komast út. Íhuga að skreppa út í sjoppu, en þyrfti þá samt að dúða mig gagnvart þessu veðri, sem er nú eiginlega spennandi, svona alvöru vetrarveður hefur ekki komið í mörg ár.
Skipulagning er eitt af því sem ég er að taka í gegn í lífi mínu.
Þarf að forgangsraða og gera eitthvað í því að framkvæma þau markmið sem ég hef sett mér.
Það fyrsta sem ég hafði hugsað mér að gera og hefði gert ef ég hefði verið aðeins skárri í dag, er að breyta ferilsskránni. Auk þess að hringja á nokkra staði vegna umsókna. Ég vil ekki kynna mig með kvefaðri og veiklulegri röddu. Svo að ég tek þetta fyrir í hádeginu í vinnuni á næstu vikum.
Nýja mottóið er " act not react"
Engin ummæli:
Skrifa ummæli