þriðjudagur, janúar 20, 2004

Ég er greinilega að hrista af mér doðann, ég er soldið æst og spennt og full tilhlökkunar. ´
Mér verður æ skýrara hversu dofin ég hef verið. Spurningin er hvort neikvæðu hliðarnar fari ekki að láta á sér kræla fljótlega þá líka.
Allt í einu er svo margt að gerast og í hrifningunni upplifi ég ýmsar tilfinningar sem ég hef ekki fundið til mjög lengi.
Margt í býgerð og plön smíðuð.
Mútta er farin til Kanarí og ég er á bílnum á meðan, sé fyrir mér að ýmislegt verði við það auðveldara í framkvæmd og vil endilega hrinda hlutunum strax í framkvæmd.
Öllum í einu helst.
- er að leita að annari vinnu
- er að leita að aukavinnu
- er að hugsa um að gerast sjálfboðaliði hjá Rauða Krossinum
- er að hugsa um að breyta lausaskuldunum mínum í lífeyrissjóðslán
- er að hugsa um að fara til Króatíu í sumarfrí., en langar samt að skreppa til UK, Sverige og Deutschland líka.
Ég er hálf óðamála hérna.
Ég var beðin af húsfélaginu að taka að mér þrifin á stigaganginum, á erfitt með að neita þeim um það á penan hátt. Ég sé ekki fram á að nenna þessu. En þau vilja helst að einhver í húsinu taki þetta að sér og ég er yngst, crap. Sagðist hugsa málið til að losna undan því.
Fasteignamat íbúðarinnar hefur hækkað heilmikið, s.s. verðmeiri eign en líka hærra fasteignagjald.
Það var sett upp smá íþróttaaðstaða í ganginum við hliðina á íbúðinni minni. Það voru settir upp rimlar og svo er eitthvað orbitreck eða eitthvað annað svona líkamsræktartæki þarna líka. Ég gæti svo sem skotist í 15 mín. upphitun á þessu tæki til að koma mér í gang á morgnanna. Ég get stefnt á það, spurning er með efndir.



Engin ummæli: