það er gott að vera soldið busy, sérstaklega eftir undangengið ár, "annus horribilis" svo vitnað sé í Betu bretadrollu.
Ég er á námskeiði í stofnun og rekstri smáfyrirtækja hjá Iðntæknistofnun, sem er náttúrulega alveg frábært, hvað svo sem ég geri við vitneskjuna að því loknu.
Ég er á fullu í félagsstörfunum, að setja efni á heimasíður tveggja félaga. Svo eru náttúrulega aðrir hlutir eins og skipulagning viðburða og útgáfa félagsskýrteina. Þegar því líkur fer ég að leita eftir afsláttarkjörum fyrir félagsmenn. Sem dæmi fer helgin í að læra á publisher til að leita leiða til að gera útgáfu skýrteina skilvirkari og hagkvæmari.
Ég er líka á fullu að senda inn umsóknir. Á þriðjudag er ég að fara í atvinnuviðtal hjá góðgerðarfélagi, það starf myndi henta mér mjög vel. Svo ég bið alla að hugsa vel til mín á þriðjudag.
Líka var verið að bjóða mér ferðir og líklega bóka ég mig í nokkrar ferðir í júní, þar til annað kemur í ljós.
Engin ummæli:
Skrifa ummæli